ಕೇಳಿದ್ದು ಸುಳ್ಳಾಗಬಹುದೂ

ಕೇಳಿದ್ದು ಸುಳ್ಳಾಗಬಹುದೂ ನೋಡಿದ್ದು ಸುಳ್ಳಾಗಬಹುದು
ನಿಧಾನಿಸೀ ಯೋಚಿಸಿದಾಗ ನಿಜವು ತಿಳಿವುದೂ

ಆ……ಆ…..ಆ….ಆ…..

ದೂರದೊಲ್ಲೊಂದೂ ಕಾಡಿತ್ತು ಕಾಡಲ್ಲಿ ಒಂದೂ ಮನೆಯಿತ್ತು
ಮುಂಗುಸಿಯೊಂದೂ ಅಲ್ಲಿತ್ತು ಮನೆಯನು ಕಾವಲು ಕಾಯ್ತಿತ್ತು
ಆ ಮನೆಯೊಡತಿ ಗಂಗಮ್ಮ ತೊಟ್ಟಿಲಲವಳಾ ಕಂದಮ್ಮಾ
ಮುಂಗುಸಿಯಲ್ಲದೆ ಬೇರೇನೂ ಮಗುವಿನ ಆಟಕೆ ಇಲ್ಲಮ್ಮಾ
ಮುಂಗುಸಿಯೊಡನೇ ಸ್ನೇಹದಲೀ ಕಂದನ ಜೊತೆಗೇ ಪ್ರೇಮದಲೀ
ಬಾಳುತಲಿದ್ದಳು ಗಂಗಮ್ಮಾ ಮುಂದೇನಾಯಿತು ಕೇಳಮ್ಮಾ…

ಮನೆಯಲಿ ನೀರೂ ಮುಗಿದಿರಲೂ ಹೊಳೆಯಾ ಕಡೆಗೇ ಹೊರಟಿರಲೂ
ಕಂದನು ಇನ್ನೂ ಮಲಗಿರಲೂ ಮುಂಗುಸಿಯನ್ನೂ ಕೂಗಿದಳೂ
ಮನೆಯಲಿ ಬೇರೇ ಯಾರಿಲ್ಲಾ ಮಗುವಿಗೇ ಯಾರೂ ಜೊತೆಯಿಲ್ಲಾ
ತೊಟ್ಟಿಲ ಬಳಿಯೇ ಕಾವಲಿರೂ ಹೊರಗಡೆ ಎಲ್ಲೂ ಹೋಗದಿರೂ

ಗಂಗೆಯು ಹೊಳೆಗೇ ಹೊರಟಾಗಾ ಬೇಲಿಯಲಿದ್ದಾ ಕರಿನಾಗಾ
ಸರಸರ ಹರಿಯಿತು ರಭಸದಲೀ ಮನೆಯನು ಸೇರಿತು ನಿಮಿಷದಲೀ
ಮುಂಗುಸಿ ನೋಡಿತು ಹಾವನ್ನೂ ತೊಟ್ಟಿಲ ಬಳಿಗೇ ಬರುವುದನೂ
ಮೇಲೇ ಬಿದ್ದಿತು ವೇಗದಲೀ ಕಾಳಗ ನಡೆಯಿತು ರೋಷದಲೀ
ಸೋತಿತು ಹಾವೂ ಜಗಳದಲೀ ಮುಂಗುಸಿ ಗೆಲುವಿನ ಹರುಷದಲೀ
ಹಾವಿನ ಪ್ರಾಣವ ಹೀರಿತ್ತು ಬಾಯಲಿ ರಕ್ತವು ಜಿನುಗಿತ್ತು

ಗಂಗೆಯು ನೀರನು ತರುತಿರಲೂ ಕೈಬಳೆ ನಾದವು ಕೇಳಿಸಲೂ
ಮುಂಗುಸಿ ಬಾಗಿಲ ಬಳಿಬರಲು ಬಾಯಲು ರಕ್ತದ ಕಲೆಯಿರಲೂ

ಬೆಚ್ಚುತ ಗಂಗೆಯು ನೋಡಿದಳೂ ಮಗುವನು ಕೊಂದಿದೆ ಇದು ಎಂದೂ
ಮುಂಗುಸಿಯನ್ನೂ ಚಚ್ಚಿದಳೂ ಅಳುತಾ ಒಳಗೇ ಓಡಿದಳೂ

ತೊಟ್ಟಲ ಕಂದನು ನಗುತಿತ್ತು ನೆಲದಲಿ ಹಾವೂ ಸತ್ತಿತ್ತೂ
ದುಡುಕಿನ ಬುದ್ದಿಗೆ ಬಲಿಯಾಗೀ ಮುಂಗುಸಿ ಕಥೆಯೂ ಮುಗಿದೆತ್ತೂ…

ಕೇಳಿದ್ದೂ ಸುಳ್ಳಾಗಬಹುದೂ ನೋಡಿದ್ದೂ ಸುಳ್ಳಾಗಬಹುದೂ
ನಿಧಾನಿಸೀ ಯೋಚಿಸಿದಾಗಾ ನಿಜವು ತಿಳಿವುದೂ…..

ಚಿತ್ರ : ರಾಮ ಲಕ್ಷ್ಮಣ (1980)

ಸಾಹಿತ್ಯ : ಚಿ.ಉದಯಶಂಕರ್
ಸಂಗೀತ : ರಾಜನ್-ನಾಗೇಂದ್ರ
ಗಾಯನ : ಎಸ್.ಜಾನಕಿ

1 Comment

  1. Nice song

Trackbacks/Pingbacks

  1. Rama Lakshmana – ರಾಮ ಲಕ್ಷ್ಮಣ (1980/೧೯೮೦) | Kannada Movies Info - […] Keliddu Sullaagabahudu Nodiddu Sullaagabahudu heliddu keliddhu sullagabahudu sullaagabahudhu nodiddhu […]

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.