ಜಿ. ಪಿ. ರಾಜರತ್ನಂ – ನಾಯಿಮರಿ ನಾಯಿಮರಿ..

ನಾಯಿಮರಿ ನಾಯಿಮರಿ ತಿಂಡಿ ಬೇಕೆ

ತಿಂಡಿ ಬೇಕು ತೀರ್ಥ ಬೇಕು ಎಲ್ಲ ಬೇಕು

ನಾಯಿಮರಿ ನಿನಗೆ ತಿಂಡಿ ಏಕೆ ಬೇಕು
ತಿಂದು ಗಟ್ಟಿಯಾಗಿ ಮನೆಯ ಕಾಯಬೇಕು

ನಾಯಿಮರಿ ಕಳ್ಳ ಬಂದರೇನು ಮಾಡುವೆ
ಕ್ವೊಂ ಕ್ವೊಂ ಬೌ ಎಂದು ಕೂಗಿ ಪಾಡುವೆ

ಜಾಣಮರಿ ತಾಳು ಹೋಗಿ ತಿಂಡಿ ತರುವೆನು
ತಾ ನಿನ್ನ ಮನೆಯ ನಾನು ಕಾಯುತಿರುವೆನು

            —ಜಿ. ಪಿ. ರಾಜರತ್ನಂ

ಕಲೆ ಹಾಕಿದವರು: ಪವಿತ್ರ

Read More

ಬಣ್ಣದ ತಗಡಿನ ತುತ್ತೂರಿ… ಜಿ.ಪಿ. ರಾಜರತ್ನಂ

ಜಿ. ಪಿ. ರಾಜರತ್ನಂ

ಬಣ್ಣದ ತಗಡಿನ ತುತ್ತೂರಿ
ಕಾಸಿಗೆ ಕೊಂಡನು ಕಸ್ತೂರಿ
ಸರಿಗಮಪದನಿಸ ಊದಿದನು
ಸನಿದಪಮಗರಿಸ ಊದಿದನು

ತನಗೆ ತುತ್ತೂರಿ ಇದೆಯೆಂದು ಬೆರಾರಿಗು ಅದು ಇಲ್ಲೆಂದ
ತುತ್ತುರಿ ಊದಿದ ಕೊಳದ ಬಳಿ ಕಸ್ತುರಿ ನಡದನು ಬೀದೆಯಲಿ
ಜಂಬದ ಕೋಳಿಯ ರೀತಿಯಲಿ

ಜಾರಿತು ನೀರಿಗೆ ತುತ್ತೂರಿ ಗಂಟಲು ಕಟ್ಟಿತು ನೀರೂರಿ
ಸರಿಗಮ ಊದಲು ನೋಡಿದನು ಗಗಗಗ ಸದ್ದನು ಮಾಡಿದನು
ಬಣ್ಣವು ನೀರಿನ ಪಾಲಾಯ್ತು ಜಂಬದಕೋಳಿಗೆ ಗೋಳಾಯ್ತು

– ಜಿ.ಪಿ. ರಾಜರತ್ನಂ

Read More

ಜಿ. ಪಿ. ರಾಜರತ್ನಂ – ಕನಡ ನಾಡಿನ ಕಂದನಿಗೆ

ಕನ್ನಡ ನಾಡಿನ ಕಂದ!
ನಿನ ಕೊರಲಿಗಿದು ಚಂದ!

ನಮ್ಮ ನಾಡಿನಲಿ ನಿಂದ
ಕವಿಗಳ ಬೊಕ್ಕಸದಿಂದ
ನಿನಗೆಂದಾರಿಸಿ ತಂದ
ಕಾವ್ಯಮಾಲೆಯಿದು ಕಂದ!

ಕನ್ನಡ ನಾಡಿನ ಕಂದ!
ನಿನ್ನ ಕೊರಲಿಗಿದು ಚಂದ!

ಬರೆದವರು: ಜಿ. ಪಿ. ರಾಜರತ್ನಂ
ಪುಸ್ತಕ: ಕಂದನ ಕಾವ್ಯಮಾಲೆ
ಪ್ರಕಟಿತ ವರ್ಷ: ೧೯೩೩
ಪ್ರಕಟಿಸಿದವರು: ರಾಮಮೋಹನ ಕಂಪೆನಿ

Read More

ಅರಳಿದ ಹೂವುಗಳು ಮೂಡಿದ ರೇಖೆಗಳು

ಚಿಣ್ಣರಿಗೆ ಚಿತ್ರ ಸಹಿತ ಕನ್ನಡ ಪದಗುಚ್ಛಗಳನ್ನು ‘ತನುಶ್ರೀ ಎಸ್ ಎನ್’ ತಮ್ಮ ತಾಣದಲ್ಲಿ ಹೊರತಂದಿದ್ದಾರೆ.

tanushree

ಈ ಚಿತ್ರಗಳು ಮತ್ತು ಕೆಲವೊಂದು ಸಾಹಿತ್ಯ ಕ್ರಿಯೇಟೀವ್‌ಕಾಮನ್ಸ್‌ ಪರವಾನಗಿ ಅಡಿ ಲಭ್ಯವಿದ್ದು, ಇತರರೊಡನೆ ಹಂಚಿಕೊಳ್ಳಲೂ ಬಹುದು.

Read More

ಸಂತಮ್ಮಣ್ಣ

ಕಲ್ಯಾಣ ಸೇವೆ ಜೇಬಿನ ಬುಡದಲಿ
ಪುಟ್ಟಾಣಿ ಪುರಿಯು ಮೇಲೊಂದಿಷ್ಟು
ಗೋಲಿಬಳಪ ಮತ್ತೊಂದಿಷ್ಟು
ಬಂದ ಬಂದ ಸಂತಮ್ಮಣ್ಣ

ಪಠಾಸು ಪೆಟ್ಲು ಒಳಜೇಬಲ್ಲಿ
ಕಾಸಿನ ಸಾಲು ಕಳ ಜೇಬಲ್ಲಿ
ಚೆಂಡು ದಾಂಡು ಎಡಬಲದಲ್ಲಿ
ಬಂದ ಬಂದ ಸಂತಮ್ಮಣ್ಣ

ಅಮ್ಮನ ಹಾರ ಉಬ್ಬಿದ ಎದೆಗೆ
ಬಿದಿರಿನ ಕೊಳಲು ಗೆಜ್ಜೆಯ ಒಳಗೆ
ಹದ್ದಿನ ರೆಕ್ಕೆ ಎತ್ತಿದ ತಲೆಗೆ
ಬಂದ ಬಂದ ಸಂತಮ್ಮಣ್ಣ

ಕಸ್ತೂರಿ ಚಂದ್ರ ಹಣೆಯಲ್ಲಿಹುದು
ಸಂಜೆಯ ಶುಕ್ರ ಕಣ್ಣಲ್ಲಿಹುದು
ಬೆಳು ಬೆಳ್ದಿಂಗಳು ಗಲ್ಲದ ಮೇಲೆ
ಬಂದ ಬಂದ ಸಂತಮ್ಮಣ್ಣ

ಮೊದಲನೆ ಮಾತು ಹೂವಿನ ಮುತ್ತು
ಮರುಮಾತಾಡಲು ಸಿಡಿಲು ಗುಡುಗು
ಮೂರನೆ ಬಾರಿಗೆ ಆನೆಯ ಕಲ್ಮಳೆ
ಬಂದ ಬಂದ ಸಂತಮ್ಮಣ್ಣ

ಬಾರೋ, ಬಾರೋ, ಸಿಡಿಲಿನ ಮರಿಯೆ
ಬಾರೋ, ನಾಡಿನ ಸುಂಟರಗಾಳಿ!
ತೋರೋ ಸಿರಿಮೊಗ, ತುಂಟರ ಗುರುವೇ
ಬಂದ ಬಂದ ಸಂತಮ್ಮಣ್ಣ

-ಹೊಯ್ಸಳ (ಆರಗ ಲಕ್ಷ್ಮಣರಾಯ)

ಸಂಗ್ರಹ: ಶ್ರೀನಿಧಿ ಎನ್, ಬೆಂಗಳೂರು

Read More

ಬಣ್ಣದ ಜೊತೆಗಿನ ಬೇಸಿಗೆ ರಜೆ

 

ನೀವೂ ಬೇಸಿಗೆಯಲ್ಲಿ ಚಿತ್ರ ಬಿಡಿಸಿದ್ರಾ? ಕಿಂದರಜೋಗಿ ಮೂಲಕ ನಿಮ್ಮ ಗೆಳೆಯರಿಗೂ ತೋರಿಸಿ….

Read More